Kultura
Performancë e pianistit nga Struga në “Mytoro Gallery”
Mbrëmja e 15 dhjetorit 2016 në galerinë e artit bashkëkohor “Mytoro” në Hamburg të Gjermanisë shkoi në shenjë të melodive të luajtura në piano nga pianisti strugan Faton Pollozhani.
Edhe përkundër temperaturave të ulëta dhe obligimeve të festave të Krishtlindjes, adhuruesit e muzikës po dëgjonin me kënaqësi pjesët nga repertori i pianistit strugan. Ato nuk ishin melodi që mund të dëgjoheshin kudo, ishin pjesë të rikomponuara të maestros, në jazz dhe ethno jazz, duke mos munguar as partitura të Bethoven-it dhe këngëve të krishtlindjeve.
Faton Pollozhani u paraqit para publikut gjerman me një repertor të pasur të muzikës shqiptare të rikomponuar me një ngjyrë të re tingujsh dhe me një mjeshtri improvizuese të Ethno Jazz-it, tregon për albinfo.ch drejtuesi i galerisë “Mytoro” në Hamburg. piktori i njohur Mentor Ejupi – Toro.
Muzika e vjetër shqiptare po merr një formë bashkëkohore, ky transformim i melosit tonë në Ethno Jazz ishte fillimi i punës së re të struganit i cili pas studimeve në Tiranë, Shkup dhe Stamboll i vjen publikut muzikëdashës gjerman me një perlë të re të melosit nga thesari i kulturës muzikore shqiptare sidomos muzikës nga jugu i trevave tona.
Fatoni nga Struga, që në fakt është profesor muzike ne Hamburg dhe pedagog i muzikës i akredituar nga ministria e arsimit gjerman (ligjërues edhe në Universitetin e Tetovës, Shkupit dhe në shkollat e Strugës) nuk ndalet vetëm në solo recitalet e tij, ai është pjesë edhe i disa orkestrave dhe një bendi Jazz në Hamburg.
Galeria Mytoro e kishte dhe do ketë nderin në të ardhmen të prezantojë punën e mrekullueshme të pianistit strugan në rolin e partnerit ekskluziv.
Të tjera nga Kultura
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)