Kultura
Përurohet shtëpia muze e Katarina Josipit
Në fshatin Zym të Prizrenit është bërë përurimi i shtëpisë muze të aktores së madhe dhe ikonike të Kosovës, Katarina Josipi, projekt në të cilin Ministria e Kulturës, Rinisë dhe Sportit ka investuar rreth 50 mijë euro, e cila është një monument i trashëgimisë kulturore në Zym të Prizrenit dhe që i takon kategorisë arkitekturore.
Në ceremoninë e përurimit mori pjesë edhe ministri Kujtim Gashi, i cili vlerësoi se gradualisht fshati Zym po shndërrohet në një pikë turistike të Kosovës.
“Është kënaqësi e veçantë që të marrim pjesë në një fshat të veçantë të Kosovës, i cili trajtohet me një ligj të veçantë, Ligji për fshatin Zym dhe pa dyshim që përkushtimi ynë për këtë vendbanim të rëndësisë së veçantë dhe të trashëgimisë kulturore, por edhe imi si ministër është tejet i rëndësishëm. Edhe më herët disa ministra janë marrë me këtë projekt, i cili është stërzgjatur shumë. Ne, duke pasur parasysh rëndësinë dhe specifikat që ka pasur ky projekt, natyrisht që është dashur një punë e madhe dhe përkushtim për ndryshim brenda projektit”, tha ministri.
“Mbi të gjitha këtë objekt ia dedikoj një njeriut që ka punuar shumë për këtë projekt, Fikret Tekvesh, i cili nuk është më mes nesh, i cili me përkushtim të madh është angazhuar në këtë projekt. Ua uroj të gjithëve këtë projekt, sidomos qytetarëve të Zymit”, ka thënë Gashi.
“Fshati Zym tashmë po kthehet në qendër turistike. Po besoj që jemi në rrugë të mirë të ngrisim edhe shtatoren e Pjetër Bogdanit. Edhe për ekspozitën, sepse do të jemi prapë këtu, është fazë tjetër besoj shumë shpejt do të kemi dhe do të jemi prapë bashkë”, tha Gashi.
Nikollë Dura, familjar i Katarina Josipit, tha se e ka mirëpritur këtë projekt, edhe pse e ka quajtur si të vonuar.
“I falënderoj të gjithë, posaçërisht ministrin. I përshëndes edhe shumë ministra të tjerë, 5 janë ndërruar deri këtu, ju e keni tash nderin më të madhin. Më në fund na erdhi puna për t’u falënderuar për të gjitha që keni bërë, edhe pse pak me vonesë, nuk më ka penguar mua pse jemi vonuar”, ka thënë Dura.
Të ngjashme
Të tjera nga Kultura
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zviceranët duan të ulin kostot e kujdesit shëndetësor Mbështetësit e UDC janë të vetmit që shprehen kundër modifikimit të ligjit federal për energjinë dhe...
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë