Pestova rritë kapacitetet për përpunimin e patates

Kompania “Pestova” ka inauguruar projektin e ri për përmirësimin e ruajtjes dhe përpunimit të patates, i cili është financuar nëpërmjet granteve edhe nga Komisioni Evropian.

Ministri i BPZHR-së, Blerand Stavileci, ka deklaruar se grantet e Komisionit Evropian, të cilat për herë të parë janë akorduar në vitin e kaluar janë modelet më të frytshme për bujqësinë kosovare.

Ndërsa, përfaqësuesi i Zyrës Ndërlidhëse të Komisionit Evropian në Kosovë, Christof Stick, ka theksuar se ky investim, përveç që do të ndikojë në rritjen e kapaciteteve të kompanisë, do të ndikojë edhe në rritjen e besueshmërisë në produktet e prodhuesve kosovarë.

E gjithë kjo u quajt storie suksesi e përbashkët nga pronari i kompanisë “Pestova”, Bedri Kosumi, i cili ka thënë se tash ka kushte shumë më të mira për përpunimin dhe procesimin e patatave.

Ky projekt ka kushtuar gjithsej 562 mijë euro dhe është financuar në shkallën prej 70 % nga Komisioni Evropian.