Pianisti gjen zgjidhjen ideale për të zëvendësuar dorën e lënduar

Maxim Lando, një pianist amerikan 14-vjeçar, luajti të gjitha notat e dorës së majtë për pianistin me famë botërore, Lang Lang

Një nga pianistët më të njohur në botë ka gjetur një zgjidhje interesante për të shmangur mungesën në Carnegie Hall.

Lang Lang kërkoi nga një i ri që të “zëvendësonte” dorën e tij në koncertin në New York.

Maxim Lando, një pianist amerikan 14-vjeçar, luajti të gjitha notat e dorës së majtë për pianistin me famë botërore.

Lang Lang është detyruar të anulojë shumë koncerte gjatë muajve të fundit teksa është duke u rikuperuar nga një problem në dorën e tij të majtë.

Lando, një ish-nxënës i Fondacionit Muzikor Ndërkombëtar të Lang Langut, tashmë e ka përcjellë atë në disa koncerte.

Në një organizim të pazakontë, Lang Lang dhe ndihmësi i tij bashkë me jazz-pianistin Chick Corea shkëlqyen në këtë mbrëmje, shkruan BBC, përcjell Albinfo.

“Me artin e legjendarit Chick Corea dhe talentin e mrekullueshëm MAxim Lando, shpresoj të kemi kënaqur audiencën dhe të largojmë pak presionin nga dora ime e majtë teksa po rikuperohet”, ka thënë Lang në një njoftim.