E-Diaspora
Piktorja Valentina Marevci hap sot ekspozitën e saj në Bernë
Interesimi i artdashësve, e ka sjellë piktoren Valentina Marevci nga Kosova në Zvicër me një ekspozitë të radhës.
E lindur në Kosovë, ku edhe jeton dhe studion, Marevci po sjell ekspozitën e 10 personale me radhë ndërsa ka marrë pjesë edhe në ekspozita kolektive.
Ajo tani sërish po vjen me një ekspozitë tjetër.
Fjala është për ekspozitën “Kurrë mos harro nga ke ardhur!”. Kjo është ekspozita e saj e tretë personale me radhë në Zvicër, e kompozuar me 40 piktura të punuara në vaj.
Piktorja Merovci ka thënë për albinfo.ch se qëllimi i kësaj ekspozite është t`u thotë të tjerëve që mos të harrojnë asnjëherë se nga kanë ardhur dhe si janë bërë të suksesshëm.
“Fjala është që të mos harrojmë traditat dhe kulturën tonë. Të mos harrojmë çfarë neve na ka bërë këta që jemi edhe nëse sa do pak sukses kemi arritur, atë të pasurisë profesionale, artistike dhe më e veçanta ngritja shpirtërore e morale”, tha Marevci për albinfo.ch.
Sipas saj, e gjithë ngritja profesionale, artistike e morale është rezultat i punës dhe vlerave familjare.
“Është rezultat i vlerave familjare, i nënave tona, sakrificës që ato kanë bërë për ne dhe sot ne jemi këtu si rezultat i punës së tyre”, shton tutje ajo duke treguar se ekspozitën ia dedikon nënës së saj të ndjerë.
Tematika e pikturave të Valentinës është e ndryshme dhe ka një cikël të fundit që është realizuar me “kasnaket”, veglat në të cilat kanë qëndisur nënat dhe që janë simbol tradicional.
Ekspozita “Kurrë mos harro nga ke ardhur” do të qëndrojë e hapur për 14 ditë në Ambasadën e Kosovës në Bernë.
Të ngjashme
Të tjera nga E-Diaspora
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritrea Një komitet i Këshillit Kombëtar miratoi një mocion të premten duke kërkuar që Zvicra të nënshkruajë...
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale