Porsche dhe Volkswagen po e shqyrtojnë mundësinë të futen në Formula 1

Porsche dhe kompania amë Volkswagen Group po e shqyrtojnë mundësinë e futjes në Formula 1, raporton BBC, përcjell albinfo.ch.

Por çdo lëvizje varet nga rregulloret e reja në lidhje me motorët në F1, që pritet të prezantohen më 2025.

Zëvendëspresidenti i Porsches për motorsporte, Fritz Enzinger, i ka thënë BBC Sport: “Do të ishte në interes të madh nëse aspektet e qëndrueshmërisë – si shembull, implementimin e ‘e-fuels’, luajnë rol në këtë. Nëse këto aspekte konfirmohen, ne do t’i vlerësojmë detajet brenda VW Group dhe do të diskutojmë për hapat e ardhshëm”.