Prej sot, Zvicra lëshon certifikatën e antitrupave

Nga e marta, certifikata zvicerane Covid mund të lëshohet duke treguar një test pozitiv të antitrupave. Testi bëhet me shpim në gisht

Duke filluar nga sot, e martë, certifikatat Covid për ata që janë shëruar në Zvicër janë të vlefshme për një periudhë më të gjatë, përkatësisht 12 muaj. Personave që mund të dëshmojnë me një test fillimisht pozitiv dhe më vonë negativ se kanë kaluar koronën, tani mund t’u zgjatet certifikata, raporton srf.ch.

Rregullorja e re vlen në Zvicër dhe për udhëtimet e kthimit në Zvicër, transmeton albinfo.ch. Në Evropë, certifikata e rikuperuar është ende e vlefshme për 6 muaj, me disa përjashtime.

Gjithashtu nga sot do të lëshohen certifikata Covid për ata persona që mund të vërtetojnë me testin aktual pozitiv të antitrupave se kanë kaluar një sëmundje dhe kanë mjaftueshëm antitrupa, transmeton albinfo.ch. Kjo certifikatë është e vlefshme për 90 ditë në Zvicër.

Me shpim në gisht në vend të atij në krah, vimë te certifikata e re Covid. Nga e marta, certifikata zvicerane Covid mund të lëshohet duke treguar një test pozitiv të antitrupave. SRF sqaron pikat më të rëndësishme.

Kush duhet të bëjë test antitrupash?

Kushdo që dyshon se ka pasur infeksion me koronavirus, por nuk mund ta vërtetojë këtë me rezultatin e testit PCR dhe nuk është i vaksinuar, mund të bëjë testin për antitrupat.

Çfarë është testi i antitrupave?

Testi i antitrupave është i ashtuquajturi test serologjik. Merret një mostër e vogël gjaku, zakonisht nga gishti. Kjo mostër e gjakut më pas vlerësohet në një laborator të certifikuar nga Swissmedic, transmeton albinfo.ch. Laboratori përcakton nëse ka antitrupa në gjak, pra nëse keni kaluar infeksionin me korona ose jo.

Ku mund të bëj këtë test?

Analizat e antitrupave mund të bëhen kryesisht në farmaci, nga mjekë të përgjithshëm, por edhe në laboratorë apo spitale. Megjithatë, jo të gjithë ofrojnë teste të tilla të antitrupave. Prandaj, është mirë që paraprakisht të mësoni se ku janë të disponueshme testet nga mjeku juaj i përgjithshëm ose farmacisti.

Sa kushton analiza e antitrupave?
Testi i antitrupave kushton nga 60 deri në 100 franga, në varësi të ofruesit. Shpenzimet për testin e antitrupave duhet të përballohen vetë. Ato nuk janë marrë përsipër nga Qeveria Federale.

Si mund ta marr certifikatën?
Mostra e gjakut vlerësohet nga një laborator. Rezultati vjen zakonisht tri ditë pas testit. Nëse testi del pozitiv, pra keni kaluar infeksionin dhe ka mjaftueshëm antitrupa në dispozicion, laboratori lëshon certifikatën Covid, përcjell albinfo.ch. Nuk është e nevojshme të aplikohet për përdorimin e  formularit si certifikata e mëparshme e rikuperimit me testin PCR.

Megjithatë, certifikatë do të marrin vetëm ata që do t’i nënshtrohen testit pas datës 16 nëntor. Nuk do të lëshohet çertifikatë për analizat e antitrupave të bëra përpara datës 16 nëntor.

Sa kohë është e vlefshme certifikata?
Certifikata Covid e marrë me testin e antitrupave është e vlefshme për 90 ditë. Pasi të kenë kaluar 90 ditët, mund të kryhet një test tjetër i antitrupave. Nëse ky rezulton përsëri pozitiv, një tjetër certifikatë rikuperimi do të lëshohet për 90 ditë.

Megjithatë, sa më shumë kohë që të ketë kaluar nga infeksioni, aq më e ulët mund të jetë sasia e antitrupave, transmeton albinfo.ch. Dhe nga një moment i caktuar, nuk do të jepet më certifikatë sepse efekti mbrojtës mund të jetë shumë i ulët.

Ku është e vlefshme certifikata?
Certifikata aktualisht është e vlefshme vetëm në Zvicër. Shumica e vendeve në BE aktualisht nuk e njohin certifikatën e testimit të antitrupave.

 

---