Presidentja e Komisionit Evropian, të hënën në Kosovë

Në kuadër të një vizite katërditore në rajon, Presidentja e Komisionit Evropian, Ursula von der Leyen, të hënën do të qëndrojë për vizitë në Kosovë.

Ajo do të vizitojë edhe Maqedoninë e Veriut, Malin e Zi, Serbinë dhe Bosnjë e Hercegovinën, sipas kalendarit të ngjarjeve nga Komisioni Evropian, përcjell albinfo.ch.

Von der Leyen, në Prishtinë pritet të takohet me presidenten Vjosa Osmani dhe kryeministrin Albin Kurti.

Ndryshe, raportohet se gjatë vizitës ajo do të flasë me liderët e rajonit për procesin e zgjerimit të Bashkimit Evropian.