Kosova
Presidentja Osmani u drejtohet kosovarëve në Zvicër: “Vaksinohuni të gjithë!”
Ajo ka thënë se shumë kosovarë që jetojnë në Zvicër kanë udhëtuar në vendlindje, në Kosovë dhe janë infektuar me virusin korona atje
Shpërthimi më i ri i koronavirusit në Kosovë, i cili është bartur së fundi edhe në Zvicër, ka ngjallur reagime të shumta në vendin helvetik.
Në disa raste ato shkojnë edhe deri në fajësimin e kosovarëve që “e sollën” këtë virus në Zvicër, duke u kthyer nga pushimet e bëra në Kosovë.
Së fundi, apeleve drejtuar kosovarëve të Zvicrës për t`u vaksinuar u është bashkuar edhe presidentja e Kosovës, Vjosa Osmani-Sadriu, e cila aktualisht ndodhet në Zvicër, ku po merr pjesë në Forumin Ekonomik, në Interlaken, shkruan albinfo.ch.
Ajo me këtë rast u ka bërë thirrje kosovarëve në Zvicër që të vaksinohen. “Secili duhet ta marrë seriozisht përgjegjësinë e tij në raport me pandeminë”, raporton agjencia e lajmeve e Zvicrës, SDA, për apelin e presidentes Osmani.
Osmani-Sadridu ka thënë të mërkurën në Forumin Ekonomik Zviceran SEF në Interlaken se shumë kosovarë që jetojnë në Zvicër kanë udhëtuar në vendlindje, në Kosovë, gjatë verës dhe janë infektuar me virusin korona atje.
“Ne të gjithë duhet ta marrim seriozisht përgjegjësinë tonë në këtë krizë të koronës. U bëj thirrje të gjithë kosovarëve në Zvicër dhe Kosovë që të vaksinohen”, është shprehur ajo.
Në fjalimin e saj ajo gjithashtu ka theksuar se pranimi në BE mbetet prioritet për Kosovën. Anëtarësimi aktualisht po dështon, sepse Serbia nuk e njeh Kosovën si shtet të pavarur.
“Duhet bërë shkëputje nga e kaluara”, ka thënë ajo më tutje, transmeton albinfo.ch. “Shpresojmë që Serbia në të ardmen do të zgjedhë një klasë udhëheqëse, e cila do të kuptojë se Kosova është një republikë që do të qëndrojë dhe e cila dëshiron të japë një kontribut të rëndësishëm për paqen në rajon”.
E-Diaspora
-
Belgjikë: Arrestohen disa shqiptarë për këto motive Me kërkesë të prokurorisë publike dhe policisë, shërbimet komunale të Olen në Belgjikë çmontuan një plantacion...
-
Gjermani
Humb jetën tragjikisht mërgimtari në Gjermani
-
Gjermani
Dy shqiptaret që morën vëmendje gjatë ndeshjes Bayern Munich-Real Madrid në Allianz Arena
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
Jeta në Zvicër
-
Rekord i organeve të dhuruara në Zvicër 675 persona në listën e pritjes morën një organ të nevojshëm urgjent në vitin 2023 dhe...
-
McDonalds do të hapë shtatë restorante të reja në Zvicër këtë vit
-
Zvicër: Së shpejti pritet ulje e çmimit të faturave të energjisë elektrike
-
10 muaj burgim me kusht për kosovarin, shantazhoi burrat
-
Inteligjenca artificiale ndihmon në vlerësimin e rrezikut të ortekëve në Zvicër