Prezantohen “Mendimet pozitive” të Daut Demakut

Më 2, 3, 4 dhe 5 nëntor, nën organizimin e Ambasadës së Kosovës në Bernë, Qendrës Kulturore të Kosovës në Cyrih dhe këshillimores ABSM të Bazelit  bëhet prezantimi i librit të Daut Demakut  “Mendimet pozitive në jetë”.  Aktivitetet përkatëse do të mbahen në Solothurn, Bernë, Bazel dhe në Cyrih.

Krahas leximit të mendimeve dhe aforizmave në gjuhën shqipe dhe gjermane të autorit të njohur, do të ketë edhe këngë të kënduara nga këngëtarja e njohur shqiptare në Zvicër, Elina Duni. Po ashtu me programin e saj do të prezantohet edhe Shkolla e Vallëzimit Shqiptar në Zvicër “Shota”.