Pritje deri në 4 orë në Merdarë

Por, edhe në pikat tjera kufitare ka pritje. Në Jarinjë pritjet janë nga 60 deri në 90 minuta, në Mutivodë 60 minuta, kurse te Dheu i Bardhë 40 minuta

Pritjet janë shtuar shumë gjatë ditës së sotme në pikën kufitare në Merdarë, shkruan albinfo.ch.

Sipas të dhënave nga Ministria e Brendshme e Kosovës nga pikat kufitare të Kosovës, pritjet më të mëdha janë në Merdarë, si zakonisht, ku për të dalë mërgimtarët duhet të presin nga 180 deri 240 minuta, derisa kolona është e gjatë 1200 metra.

Këto shifra janë regjistruar në orën 11:08.

Por, edhe në pikat tjera kufitare ka pritje. Në Jarinjë pritjet janë nga 60 deri në 90 minuta, në Mutivodë 60 minuta, kurse te Dheu i Bardhë 40 minuta.

Në Muçibabë pritjet janë 25 minuta, derisa te Hani i Elezit 20 minuta.

E kundërta vlen për të hyrë në Kosovë, ku pritjet janë 5 deri në 10 minuta.