Projekte nga Kosova prezantohen në Simpoziumin “Integrated People-Centred Care” më 2 shtator në Basel

Më 2 shtator 2025, nga ora 09:15 deri 17:00, në Bazel do të mbahet simpoziumi me temën “Integrated People-Centred Care” (Kujdes i Integruar dhe i Orientuar te Njerëzit).

Ky format synon të trajtojë sfidat dhe nevojat e personave me sëmundje kronike, të cilët shpesh përballen me probleme komplekse shëndetësore dhe sociale. Qasja e integruar nënkupton bashkëpunim të ngushtë mes specialistëve të ndryshëm, mjekëve, infermierëve, shërbimeve sociale dhe familjarëve  duke vendosur në qendër pacientin dhe cilësinë e jetës së tij.

Simpoziumi do të mbledhë ekspertë nga shkenca, shëndetësia, administrata dhe sektori privat, për të diskutuar modele të reja bashkëpunimi:

Menaxhimi i integruar i sëmundjeve kronike,

Përdorimi i mjeteve digjitale për koordinim më të mirë të kujdesit,

Përvoja të drejtpërdrejta nga pacientë dhe profesionistë të shëndetit.

Si shembull konkret, do të prezantohet projekti “Réseau de l’Arc” në Jura,  organizata e parë në Zvicër për kujdes të integruar. Gjithashtu, pjesëmarrësit do të kenë mundësi të njihen me iniciativa nga Kosova, Moldavia, Tanzania dhe Ukraina.

Në mesin e folësve kryesorë janë përfaqësues të Forumit Zviceran për Kujdes të Integruar, të DEZA-s (Agjencia Zvicerane për Zhvillim dhe Bashkëpunim) dhe të OBSh-së (WHO).

Programi përfshin edhe një ekspozitë me rrëfime personale të njerëzve që jetojnë me sëmundje kronike.

Programi i plotë gjendet këtu: Integrated People-Centred Care | Swiss TPH Symposium 2025:

symposium2025

 

---