BE: Propozim për heqjen e roamingut me vendet e Ballkanit Perëndimor

Gabriel tha se do të paraqiste një paketë të detajuar masash në një takim për të zgjeruar ndalimin e roaming-it të BE-së, i cili ka të bëjë me Serbinë, Maqedoninë, Malin e Zi dhe Bosnje-Hercegovinën

Keystone

Një plan për heqjen e roamingut midis BE dhe vendeve të Ballkanit Perëndimor do të shpallet në maj të vitit të ardhshëm, njoftoi Komisioneri Evropian për Çështjet Dixhitale Maria Gabriel.

Gabriel i tha portalit Euractiv se do të paraqiste një paketë të detajuar masash në një takim për të zgjeruar ndalimin e roaming-it të BE-së, i cili ka të bëjë me Serbinë, Maqedoninë, Malin e Zi dhe Bosnje-Hercegovinën, shkruan albinfo.ch.

Megjithatë, komisioneri theksoi se nuk mund të thotë se sa kohë duhet shpenzuar para se të hyjë në fuqi marrëveshja për heqjen e roamingut midis BE dhe vendeve të Ballkanit Perëndimor.

«Është me të vërtetë e rëndësishme për mua të mos injoroj pritjet që nuk janë të realizueshme dhe realiste. BE kishte nevojë për dhjetë vjet kohë. Ne duhet të qëndrojmë të qetë dhe ta bëjmë atë shumë seriozisht, sepse pritjet në rajon janë të mëdha»,- tha Maria Gabriel.