Propozimi për uljen e taksave për punonjësit zviceranë me orare të plota

Një nga stimujt për ta bërë më tërheqës punësimin me kohë të plotë është ofrimi i një zbritje tatimore për këdo që ka një punë me kohë të plotë, përcjell albinfo.ch.

Ky propozim i deputetit Damian Müller do të debatohet në Parlament këtë javë.

Nëse më shumë njerëz punojnë të plotë dhe jo me kohë të pjesshme, Zvicra do të zgjidhte mungesën e fuqisë punëtore “pa pasur nevojë të varet nga imigracioni”, tha ai.

Megjithatë, ndërsa plotësimi i vendeve të lira të punës është një prioritet, jo të gjithë e shohin propozimin e Müller-it si të realizueshëm.

“Sistemi ynë tatimor është tashmë shumë i komplikuar” për t’u manipuluar, sipas ekonomistit Mathias Binswanger.

 

---