Lajme
Protestuesit e 1 majit në Cyrih rrethohen nga policia
Ndërsa në Bernë është zhvilluar një protestë e qetë, me lejen e autoriteteve të qytetit. Në të kanë marrë pjesë mbi 1000 veta
Në qytetin e Cyrihut ka pasur një prani të madhe të policisë të shtunën për shkak të demonstratave të paautorizuara të 1 Majit. Demonstruesit në Qarkun 4 të qytetit ishin janë rrethuar nga policia, raporton sda.ch.
Ngjashëm me Cyrihun, sot ka pasur demonstrime e tubime proteste edhe në qytete tjera të Zvicrës si në Bernë, Gjenevë, Bazel etj.
Në Bernë është zhvilluar një protestë me lejen e autoriteteve të qytetit. Në të kanë marrë pjesë mbi 1000 veta.
Në Cyrih, policia ka ndërhyrë në qendër të qytetit të shtunën kundër një tubimi të paautorizuar të 1 majit. Ajo ka rrethuar një numër demonstruesish në pasditen e hershme, transmeton albinfo.ch. Të mobilizuar ishin dhjetëra policë me uniforma mbrojtëse dhe me disa automjete dhe makina të blinduara. Një helikopter është parë duke fluturuar mbi qytet.
Kanë qenë disa qindra demonstrues dhe vëzhgues pranë sheshit Helvetiaplatz. Në fillim nuk kishte përleshje. Dëgjoheshin vazhdimisht vetëm brohoritje, përcjell albinfo.ch. Policia përmes Twitter-it ka bërë me dije se nuk do ta tolerojë lëvizjen.
Në mëngjes situata në qytetin e Cyrihut ishte më e qetë.
Federata sindikale e Kantonit të Cyrihut (GBKZ) kishte njoftuar paraprakisht pesë tubime të decentralizuara në qytet. Rreth 50 njerëz ishin mbledhur në Lindenhof deri pak para orës 11 të mëngjesit, në Walcheplatz rreth orës 11 të mëngjesit numri i lejuar i 100 personave – i cili vlen për shkak të pandemisë së koronës – me sa duket ishte rritur, siç tregon një inspektim në vend.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit