Lajme
Pse po zvarriten bisedimet mes vendeve të BE-së për ndalimin e gazit rus?
Bisedimet në Bruksel për sanksionet e reja të BE-së ndaj Rusisë kanë ngecur për shkak të një mosmarrëveshjeje mbi përjashtimet nga ndalimi i naftës për Hungarinë, Sllovakinë dhe Republikën Çeke.
Hungaria, Sllovakia dhe Republika Çeke morën më shumë kohë për të ndaluar importet e naftës ruse në propozimet e rishikuara të Komisionit Evropian për një paketë të gjashtë sanksionesh kundër Rusisë.
Afatet e zgjatura për vendet e Evropës Qendrore u përfshinë në draftin e fundit të komisionit, të paraqitur për shqyrtim nga përfaqësuesit e 27 vendeve anëtare të BE-së.
Vështirësi u ngritën lidhur me përjashtimet e planifikuara nga ndalimi me Bullgarinë që vazhdon të kërkojë më shumë kohë dhe kërcënon me veton ndaj sanksioneve kundër Rusisë, sipas një raporti nga transmetuesi privat bullgar Nova.
Sofja nuk ka marrë ende mbështetje nga komisioni për përfshirjen në përjashtimet, pasi Bullgaria besohet se ka më shumë opsione për të siguruar furnizime alternative me naftë, thanë burime diplomatike.
Hungaria dhe Sllovakia do të kenë kohë deri në fund të vitit 2024 për të hequr gradualisht importin e naftës ruse përmes tubacioneve. Republika Çeke do të ketë kohë deri në fund të qershorit 2024 për të respektuar embargon, nëse më parë nuk vendosen kanale të reja furnizimi.
”Propozimet mund të ndryshojnë ende gjatë rrjedhës së negociatave. Hungaria vazhdon të kërkojë më shumë kohë dhe mbështetje financiare për të hequr gradualisht naftën ruse”, theksuan diplomatët e BE-së.
Sipas diplomatëve të BE-së, ndalimi i transportit të naftës ruse nga anijet e BE-së vazhdon të përballet me rezistencën e Greqisë, Maltës dhe Qipros, të cilët kanë frikë nga efektet në industrinë e tyre detare.
Sanksione të tjera të propozuara synojnë Sberbank, bankën më të madhe të Rusisë, dy banka të tjera, media shtetërore si RTR Planeta, Rusia 24 dhe TV Center, dhe një ndalim për ofrimin e shërbimeve profesionale për Kremlinin.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
“Qeveria kantonale duhet të sjellë Eurovisionin në Cyrih” Kwshilltarja kantonale e GLP-sw, Chantal Galladé dëshiron të dijë nga qeveria kantonale se si është e...
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta
-
Zvicra ‘shtyn’ ukrainasit të punojnë më shumë
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet