Publikohen pamje të mbretit të F1, Schumacher

Është publikuar traileri i dokumentarit për legjendën e Formula 1, Michael Schumacher. Dokumentari pritet të shfaqet nga 5 dhjetor, por në trailer shihen pamjet e rralla të pilotit të famshëm pas aksidentit.

Një vit pasi u largua nga sporti, ai pësoi një aksident të rrezikshëm, ku prej thuajse 6 vjetësh ndodhet në gjendje kome, transmeton albinfo.ch.

Schumacher nuk është parë në publik dhe thuhet se nuk do të shihet në këtë film, por do të ketë intervista të familjarëve të tij, duke përfshirë edhe gruan e tij, Corinna.

Gjithashtu, në dokumentar do të paraqitet pamjet arkivore që nuk janë parë kurrë më parë. Gjendja e tanishme shëndetësore nuk do të trajtohet. Në gati gjashtë vjet që nga aksidenti, shërimi i Schumacher është trajtuar në heshtje. As familja, as miqtë nuk kanë bërë komente publike lidhur me gjendjen e tij.

Schumacher konsiderohet si një nga pilotët më të mirë të botës së Formula 1. Gjermani ka fituar 7 tituj kampion dhe ka drejtuar makina si Mercedez-Benz dhe Ferrari.

https://www.youtube.com/watch?v=gtQs9rc7AFs