Putin reagon ndaj komenteve të Biden-it

Biden tha se ai do të 'paguajë një çmim' për ndërhyrjen ruse në zgjedhjet 2020 në favor të D. Tramp

Sot ka pasur një reagim nga Vladimir Putin, ndaj fjalëve që tha këtë javë Presidenti i SHBA-së, Joe Biden.

Reuters raporton se presidenti i Rusisë tha sot se njerëzit priren t’i shohin të tjerët ashtu siç e shohin veten e tyre, pasi presidenti amerikan tha se ai mendonte se Putini ishte një vrasës. Putini po fliste në televizionin kombëtar dhe tha se ai i dëshironte shëndet Bidenit.

Biden dënoi Putinin, duke thënë se ai mendon se lideri rus është një ‘vrasës’ dhe se ai i tha atij se nuk kishte shpirt.

Vërejtjet e Biden u bënë në ABC News në një intervistë me George Stephanopulos. Intervista përkoi me lëshimin e një raporti të deklasifikuar të inteligjencës amerikane që mbështeste akuzat se Putini ishte pas ndërhyrjes së Moskës në zgjedhjet e vitit 2020. Kur u bë presion ndaj akuzave kundër Rusisë, Biden tha se Putini “do të paguajë një çmim” për përpjekjet për të ndryshuar votën në favor të Donald Trump.

---