Kosova

PZAP-i refuzon ankesat për Prishtinën e Prizrenin

Kundër këtyre vendimeve është lejuar ankesa në Gjykatën Supreme të Kosovës, brenda afatit 24 orësh nga pranimi i vendimeve të PZAP-it

E hënë, 4 Dhjetor 2017 - 16:08 albinfo.ch

Paneli Zgjedhor për Ankesa dhe Parashtresa ka refuzuar të gjitha ankesat e PDK-së dhe LDK-së për rezultatin përfundimtar. Sipas njoftimit të PZAP-it, ankesa e LDK-së për Prishtinën është refuzuar si e pabazuar, sikurse ajo për Dragashin, kurse ankesa për Kamenicën është hedhur poshtë si e pasafatshme.

E palejuar është vlerësuar edhe ankesa e PDK-së për Prizrenin, si dhe ankesat për Rahovecin dhe Klinën. Kundër këtyre vendimeve është lejuar ankesa në Gjykatën Supreme të Kosovës, brenda afatit 24 orësh nga pranimi i vendimeve të PZAP-it.