Qindra persona u mblodhën sot në Bernë për të treguar solidaritet me Palestinën

Keystone EPA/HAITHAM IMAD

Disa qindra njerëz treguan solidaritetin e tyre me popullin palestinez, në një tubim në kryeqytetin zviceran, Bernë, pasditën e sotme, shkruan swissinfo.

Rreth 400 deri në 500 njerëz u bashkuan në tubim, sipas një reporteri nga Agjencia Zvicerane e Lajmeve Keystone-SDA, teksa shumë nga pjesëmarrësit valëvitën flamuj të Palestinës, ngritën pankarta dhe brohoritën slogane si “viva, via Palestine”, por edhe “Izraeli terrorist”.

Tubimi u thirr nga Grupi Palestinez i Bernës dhe në një fletushkë ata kërkuan ndalimin e dhunës, mbrojtjen e të drejtave të njeriut dhe ndihmën humanitare për Gazën, përcjell albinfo.ch.

Drejtori i sigurisë së qytetit të Bernës nuk ka parë asnjë tregues të një sfondi radikal të organizatorëve, ndërsa policia kantonale e Bernës ishte e pranishme, por mbajti një profil të ulët.

Demonstruesit u sollën në mënyrë paqësore dhe folësit dënuan dhunën e Izraelit kundër popullit palestinez.