Qytetarët, kundër shtrenjtimit të energjisë elektrike

Një ditë para protestës është zhvilluar një aksion simbolik para Zyrës së Rregullatorit të Energjisë, duke vënë thëngjill dhe pankarta me mbishkrimin “Asnjë cent më shumë”

Qytetarët, të cilët kanë nisur iniciativën për të protestuar kundër shtrenjtimit të energjisë elektrike në Kosovë, një ditë para protestës kanë zhvilluar një aksion simbolik para Zyrës së Rregullatorit të Energjisë, duke vënë thëngjill dhe pankarta me mbishkrimin “Asnjë cent më shumë”.

Arbër Rushiti tha se përmes këtij aksioni duan t’i kujtojnë ZRRE-së, Qeverisë dhe Kuvendit se ne flemë mbi qymyr. Ai shtoi se qytetarët janë viktima të ndotjes që shkaktojnë termocentralet, andaj, sipas tij, kjo është edhe arsyeja pse qytetarët do të duhej të paguanin më pak. Protesta do të mbahet të mërkurën, në orën 12:00, para zyrave të KEDS-it në Prishtinë.