Qyteti francez u thotë blerësve: Vendosni maska ​​jashtë ose paguani gjobë

Në qytetin Lille, kushdo që lëviz nëpër rrugët qendrore, zonat e këmbësorëve ose parqet, duhet të vejë një maskë, sipas urdhrit të autoriteteve lokale

​Kryeministri francez, Jean Castex u ka bërë thirrje njerëzve që të mos dorëzoheshin në luftën kundër COVID-19 të hënën, ditën kur një nga qytetet më të mëdha të Francës ka urdhëruar njerëzit të mbajnë maska ​​jashtë në rrugët e ngjeshura me këmbësorë.

“Virusi nuk është në pushime dhe as ne nuk jemi”, ka thënë Castex gjatë një vizite në Lille, ku policia u autorizua për të vjelë një gjobë prej 135 eurosh për këdo që nuk respekton rregullin e ri.

Në shumë vende, maska ​​tashmë janë të detyrueshme në dyqane dhe hapësira të tjera publike të mbyllura. Tani, zyrtarët në disa vende janë duke mandatuar që maskat gjithashtu të vihen jashtë, në disa rrethana.

Rumania po shqyrton një veprim të tillë. Greqia do ta bëjë të detyrueshme maskën në kuvertën e trageteve që lundrojnë në ishujt e saj. Qyteti francez i Nices të hënën bëri që maskat e vendosura jashtë të jenë të detyrueshme në shumë zona.

Në Lille, kushdo që lëviz nëpër rrugët qendrore, zonat e këmbësorëve ose parqet, duhet të vejë një maskë, sipas urdhrit të autoriteteve lokale, shkruan “Reuters”, përcjell albinfo.ch

 

---