Shqipëria

Rama nesër pret liderët e rajonit dhe komisionerin e BE-së, Varhelyi

E diel, 16 Korrik 2023 - 18:55 albinfo.ch
Keystone (AP Photo/Franc Zhurda)

Kryeministri Edi Rama të hënën e 17 korrikut do të presë në Tiranë liderët e rajonit dhe komisionerin e BE-së për Zgjerimin dhe Fqinjësinë e mirë, Oliver Varhelyi, në kuadër të përgatitjeve që po bëhen për Samitin e Procesit të Berlinit.

ABC News njofton se pjesë e takimit që do të zhvillohet mesditën e së hënës rreth orës 12:00 te Vila Qeveritare 30 do të jenë liderët e Ballkanit Perëndimor. Ndërkohë, nga Prishtina zyrtare ende nuk është konfirmuar nëse do të marrë pjesë edhe kryeministri Albin Kurti. Ky i fundit ndodhet aktualisht në Greqi, ku po merr pjesë në edicionin e 25-të të Simpoziumit Ndërkombëtar SYMI. Megjithatë, sipas burimeve të RTSH-së pjesëmarrjen në takimin joformal të liderëve në Tiranë e ka konfirmuar zv/kryeministri i Kosovës, Besnik Bislimi.

Ky takim ishte paralajmëruar nga Rama në turin ballkanik të zhvilluar pak ditë më parë, ndërsa në Samitin e NATO-n në Lituani Rama konfirmoi edhe një vizitë të Presidentit francez, Emanuel Macron.

 Të tjera nga Shqipëria

Kombëtarja shqiptare nis përgatitjet për play-off-in e Botërorit 2026

 E-Diaspora

 Jeta në Zvicër