Ramush Haradinaj raporton për deportimin e gylenistëve

Kryeministri i Kosovës, Ramush Haradinaj, gjatë raportimit para Komisionit Parlamentar lidhur me hetimin dhe deportimin e shtetasëve turq ka thënë se ka mundur ta shkarkojë ish- drejtorin e Policisë, Shpend Mxhuni, për këtë rast, por ai nuk e ka parë atë si përgjegjës.

Gjithashtu sipas Haradinajt, procedura ka qenë e nxituar dhe se aspekti human ka munguar, shkruajnë mediat, përcjell albinfo.ch.

“Politikisht kam mundur ta shkarkoj Shpend Maxhunin, si veprim politik në diskrecion. Megjithatë. unë jam ndalur te dy personat që janë në hierarki”, tha Haradinaj, duke iu referuar shkarkimeve të ish-ministrit të Punëve të Brendshme, Flamur Sefaj dhe ish-shefit të AKI-së, Driton Gashi.

“Procedura ka qenë e nxituar, ka qenë një nxitim i madh, i habitshëm. Ka mundur të shkojë si proces i rregullt. Aspekti human, i cili te populli ynë është i çmueshëm, ka munguar”, tha Haradinaj.