Raporti i korrupsionit në Maqedoni , polemika VMRO- LSDM

Raporti i GREKO-s për korrupsionin, Ka përplasur VRMO dhe LSDM-në.

Raporti i GREKO-s për korrupsionin, sipas VMRO,  paraqet vulë ndërkombëtare se kjo qeveri  është zhytur në korrupsion ndërkaq qytetarët vuajnë pasojat duke ngelur të varfër dhe me borxhe të reja. 

Sipas VMRO- DPMNE, GREKO i dha karton të kuq qeverisë së Zaevit.

“Në Maqedonia kartelën e kriminalitetit e ka fituar shteti. Maqedonia me këtë pushtet të korruptuar  nuk shkon askund. Qytetarët vuajnë nga varfëria dhe futen në  borxhe të reja ndërkaq buxheti përfundon në xhepat e  e partisë. Si do ta shqyrtojë GREKO  rastin e tenderit prej 35 milion eurove të minstrit Filipçe?  Si do t’ia arsyetojë qeveria GREKO-s rastin për fonde të inovacioneve të Angjushevit, Lokvenecit? Si Sheqerinska do ta sqarojë  ndarjen e parave të popullit OJQ-ve ku bën pjesë edhe vet , ndërsa pjesa tjetër e ministrave janë udhëheqës të strukturave në këto organizata?!”, ka thënë Naum Stoillkovski nga VMRO-DPMNE.

Në lidhje me raportin kanë reagur edhe LSDM. Ata thanë se vërejtjet e GREKO-s, rrjedhin pikërisht nga qeverisja “kriminele” 11 vjeçare e VMRO–DPMNE–së, shkruajnë mediat maqedonase, përcjell Albinfo.ch.

“I tërë regjimi kriminel prej 11 vitesh ishte nën mbrojtjen e institucioneve të sistemit. Që të fshihej kriminaliteti dhe korrupsioni, VMRO  e partizoi Komisionin për Parandalimin  e Korrupsionit. Kështu, komisioni i partizuar  jo vetëm që e  shkatërroi  këtë komision por edhe kontriboi në përhapjen shtesë të korrupsionit. Qytetarët kanë dëgjuar “bombat”,  se si Gruevski dhe Janakievski  merren vesh për provizione milionëshe. Tenderi  “Transmet” në vlerë prej 17 milion euro  është vetëm një  nga shembujt se si VMRO –DPMNE shfrytëzonte paratë e popullit”, thuhet në reagimin e LSDM-së.

Pikërisht VMRO -DPMNE- e ka rradhitur shtetin në grupin e vendeve me problem të madh dhe serioz të korrupsionit, përfundon LSDM.