Rashica dhe sezoni i ëndrrave në Gjermani

Milot Rashica ka nëntë gola në Bundesligën gjermane dhe pesë asistime, në sezonin që përfundoi të shtunën

Në fillim e kishte vështirë derisa të ambientohet. Por, në viti 2019 ka qenë i ëndrrave për yllin e Kosovës, Milot Rashica.

Ylli i Kosovë ka shkëlqyer këtë vit, si në Kupën e Gjermanisë dhe Bundesligën gjermane, duke qenë futbollisti kyç i Werder Bremenit, shkruan albinfo.ch.

Goli i fundit ishte ndaj Leipzig-ut. Ai shënoi nga pika e bardhë, duke dëshmuar se sa shumë i beson skuadra dhe sa i rëndësishëm është bërë në skuadrën gjermane.

Rashica ka nëntë gola në Bundesligën gjermane dhe pesë asistime, në sezonin që përfundoi të shtunën. Skuadra e tij Werder Bremen u rendit në vendin e tetë, duke mos arritur të kualifikohet në garat ndërkombëtare.

“Ishte një periudhë intensive dhe disa ndeshje të mrekullueshme. Megjithatë arritja deri në gjysmëfinale të Kupës dhe humbja e Evropës për vetëm një pikë më bën ta kujtoj këtë sezon me njërin sy të qeshur e me njërin të përlotur”, shkruan Rashica në llogarinë e tij në Instagram.

“Faleminderit të gjithë familjes #Werder për të gjithë mbështetjen e juaj të pabesueshme. Ju ishit të mrekullueshëm”.

Sa për kujtim, Rashica, ka shënuar ndaj Bayern Munich, Dortmundit e Schalkes.

---