Rashica, gati për të startuar kundër Malit të Zi

Rashicës nuk i intereson fitorja e Çekisë, beson ende në “Euro 2020”

Rashica është gati për ta ndihmuar Kosovën.

22-vjeçari i talentuar i Kosovës, Milot Rashica, ka thënë se është gati për të startuar të hënën kundër Malit të Zi, raporton Gazeta Express.

“A jeni gati? Po besoj dhe jam gati 100 %. Ka qenë ndeshje e vështirë kundër Franfkurtit, terren i vështirë, luajta 90 minuta. Por kam pasur kohë për t’u rikuperuar dhe jam gati për të dhënë më të mirën”.

“Ku preferon të luash, në të majtë apo djathtë? Që kur kam shkuar në Gjermani, kam luajtur në anë të majtë dhe si sulmues dhe natyrisht se preferoj në të majtë, por kem lojtarë që mund të luajnë në atë krah kështu që unë jam në dispozicion të trajnerit kudo që ai dëshiron”.

Fitorja e Çekisë kundër Anglisë me rezultatin 2-1, ia ka vështirësua punët Kosovës për t’u kualifikuar në “Euro 2020”.

Por, Milot Rashica beson se “Dardanët” kanë ende shanse për të bërë ëndrrën realitet.

“Deri më tani kemi bërë një rrugëtim të mirë dhe çdo lojtar ka marrë një përvojë të mirë. Edhe pse Anglia ka humbur prej Çekisë, normal na ka vështirësuar punën, por pa marrë parasysh qysh është kryer ajo ndeshje, ne qëllim kemi pas me hy dhe me fitu çdo takim dhe të mundohemi të përfundojmë gjithçka në mënyrën më të mirë të mundshme”, tha Rashica.

“A besoni se mund t’i fitoni tri ndeshje? Normalisht se ne kemi besim shumë të madh, jemi një grup i mirë i lojtarëve dhe besoj se gjithçka është e mundshme vetëm duhet të shkojmë ndeshje pas ndeshje”. 

---