Lajme

Rastet e Lisë së Majmunit trefishohen brenda një muaji

Numri i rasteve të lisë së majmunit në Belgjikë brenda një muaji është rritur më shumë se tri herë, nga 52 në 168 raste të regjistruara.

Sipas Institutit Kombëtar të Shëndetit Publik “Sciensano” në më pak se një muaj, numri i rasteve të lisë së majmunit në Belgjikë është trefishuar.

Numri i rasteve, i cili ishte 52 në mes të qershorit, u rrit në 168. Rasti i parë i lisë së majmunit në Belgjikë u regjistrua më 19 maj.

Në deklaratën e saj më 1 korrik, Organizata Botërore e Shëndetësisë (OBSH) njoftoi se rastet e lisë së majmunit në Evropë janë trefishuar në dy javët e fundit dhe numri i rasteve është rritur në 4500.