Maqedonia
Reagime të shumta, komentatori shqiptar nuk ia përmend emrin hendbollistit maqedonas
Komenatori Mustafa Ademi nuk ia kishte përmendur fare emrin hendbollistit maqedonas, Stojançe Stoilov, duke iu drejtuar ‘lojtari me numër 5’, për shkak se maqedonasi kishte injoruar gjuhën shqipe gjatë një manifestimi
Gjesti i mospërfilljes së emrit të Stojançe Stoilovit nga komentatori i TVM, Mustafa Ademi gjatë ndeshjes hendbollistike mes Maqedonisë dhe Japonisë është shoqëruar nga një lum reagimesh.
Përmes një reagimi në rrjetin e tij social Facebook, gazetari dhe opinionisti i njohur nga Shkupi, Naim Sinani ka shprehur mbështetje të hapur për komentatorin sportiv, Mustafa Ademi, i cili sipas Sinanit ka dëshmuar profesionalizëm të lartë dhe respekt për shikuesit.
Sa i përket reagimeve nga mediat maqedonase, Sinani thekson se në vend që këta të fundit të kritikojnë gjestin jo sportiv të hendbollistit që injoroi gjuhën shqipe pak ditë më parë gjatë një ceremonie të ndarjes së çmimeve, ata merren me Ademin, i cili ka kryer vetëm detyrën e tij.
Ndërkohë, sipas informacioneve jo zyrtare të “InfOSport.mk”, drejtori i TVM1 ka kërkuar suspendim për komentatorin Ademi, ndërsa ky i fundit ka marrë mbështetje nga kryeredaktorja e TVM2, Migena Gorenca e cila është deklaruar edhe për mediat, përcjell albinfo.ch.
“Nëse keni menduar se nuk do të ketë reagime nga gazetarët e sportit shqiptar për gjestin e Stoilovit që vendosi të largohet nga manifestimi për shkak se nuk i ka pëlqyer të dëgjojë fjalime në gjuhën shqipe, atëherë keni gabuar shumë. Personalisht mendoj që nuk duhet të ketë ndarje, por si kryeredaktore e TVM2 unë qëndroj pas veprimit të gazetarit tim. Veprimi sjell reagim, shkurtë dhe qartë”, ka thënë mes tjerash Migena Gorenca.
Të ngjashme
Të tjera nga Maqedonia
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit