Lajme
“Rebelohen” kantonet, refuzojnë urdhrin federal për mbylljen e tarracave
Kantonet që duan të mbajnë tarracat e hapura janë: Nidwalden, Obwalden, Schwyz, Uri, Glarus dhe Ticino
Mosmarrëveshja midis Qeverisë Federale dhe kantoneve për hapjen e tarracave po merr një kthesë të radhës.
Gjashtë kantone nuk duan të respektojnë urdhrin e Këshillit Federal dhe kështu po këmbëngulin për të mbajtur të hapura tarracat në vendpushimet e skive, shkruajnë mediat zvicerane.
Siç është kumtuar dje, sipas vendimit federal, kjo gjë nuk lejohet por megjithatë, disa kantone nuk janë duke e përfillur këtë direktivë, transmeton albinfo.ch. Kjo po ndodhë në një kohë kur sipas ministrit federal të shëndetësisë, Alain Berset “të gjitha keqkuptimet janë pastruar”.
Kështu të paktën është shprehur ai në konferencën e djeshme për media, në Bernë.
“Këshilli Federal sot ka eleminuar të gjitha interpretimet e mundshme rreth kësaj çështjeje” ka thënë konkretisht Berset. “Unë besoj se kjo do të funksionojë dhe nuk mendoj se kantonet nuk do t’i përmbahen më ligjit federal”.
Rrjedhimisht: “unë supozoj se kantonet do të mbyllin tarracat”, ka shtuar ai. “Nëse kjo nuk do të funksionojë, kjo do të ishte diçka e re për mua”.
Kantoni i Graubündenit pas kësaj “u dorëzua” dhe mbylli tarracat, disa prej të cilave ishin mbajtur më parë të hapura.
Sidoqoftë, në disa kantone, tarracat mbeten të hapura, siç raporton SRF.
Kantoni i Nidwalden planifikon të flasë së shpejti me Berset. Në këtë kanton janë të mendimit se mbajtja e tarracave të hapura ka përparësi epidemiologjike dhe se asgjë nuk ka ndryshuar në situatën ligjore.
Kantonet që duan të mbajnë tarracat e hapura janë: Nidwalden, Obwalden, Schwyz, Uri, Glarus dhe Ticino.
Të ngjashme
Të tjera nga Lajme
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Projekti kombëtar i testimit të tokës zhvillohet të shtunën dhe të dielën “Tokat janë thelbësore për jetën: ato sigurojnë prodhimin e ushqimit, filtrojnë ujin dhe strehojnë një...
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë
-
Zvicër: Veçanërisht të moshuarit kanë votuar për pensionin e 13-të
-
Zvicër: Kostot e sistemit shëndetësor kanë arritur 91.5 miliardë franga