Reshje të mëdha bore në Rugovë

Reshjet e mëdha të borës kanë befasuar sot banorët dhe turistët në Rugovë, shkruan albinfo.ch.

Fluska bore kanë filluar të biejnë që nga orët e mesnatës dhe vazhdojnë ende edhe në mëngjesin e sotëm.

Ky vend është trevë malore në veri-perëndim të qytetit të Pejës, në Kosovë, dhe renditet si regjioni i tretë i Bjeshkëve të Nemuna, të njohura ndryshe si Alpet Shqiptare.

Ky vend malor ka një bukuri të veçantë në çdo stinë, por në këtë stinë të dimrit ka marrë një pamje krejtësisht tjetër. Dëbora, e cila ka mbuluar rrugët, fushat e shtëpitë e këtij vendi veçse u ka shtuar bukurinë dhe qetësinë dimërore vizitorëve dhe banuesve të kësaj ane. /Albinfo.ch