“Maxim magazine” zgjedh Heidi Lushtakun ndër 100 femrat më të bukura në Zvicër

Heidi Lushtaku nuk ka të ndalur me sukseset e saj në fushën e modës. Modelistja shqiptare në Zvicër është përzgjedhur nga revista e njohur botërore “Maxim magazine” si njëra nga femrat më të bukura në Zvicër për vitin 2015.

Lushtaku, që aktualisht ka 10 kontrata vjetore më firma të njohura në Zvicër dhe jashtë saj, është ndier mjaft e lumtur që kjo revistë me nam botërore e ka përzgjedhur në mesin e 100 vajzave më të bukura në Gjermani, Zvicër dhe Austri.

“Jam shumë e lumtur që “Maxim magazine” më ka konsideruar mua si njërën nga femrat më të bukura në Zvicër. “Maxim magazinë” është një revistë ndërkombëtare dhe natyrisht se kjo përzgjedhje e tyre për mua ka vlerë të madhe”, ka thënë Heidi në një bisedë për albinfo.ch.

Ambasadorja e gazetës albinfo.ch,  ka thënë se revista “Maxim magazine” e ka kontaktuar agjencinë e saj “Option Model” dhe ka treguar që ajo do të jetë në mesin e bukurosheve. “Pasi na kontaktuan, së bashku me agjencinë time u dakorduam që të bashkëpunojmë edhe me të”, thotë ish-finalistja në “Miss Zvicra 2013”.

Përpos kontratave të shumta që Heidi ka bërë gjatë këtij viti, ajo ishte edhe finaliste e spektaklit “Dancing with the Stars Albania”, ndërkohë më 19 shtator do të jetë edhe në jurinë e spektaklit të bukurisë “Miss Universe Albania 2015” në Tiranë.

Duke shikuar të gjitha këto aktivitete, duket se viti 2015 është viti i saj: “Kjo është puna ime dhe e bëj gjithmonë me kënaqësi, edhe pse ndonjëherë jam shumë e lodhur nga udhëtimet”, thotë Heidi.

Por jo vetëm kaq, Heidi deri në fund të vitit do të na befasojë edhe me shumë gjëra të tjera të bukura.

Ajo shprehet se shumë shpejt do të dalë edhe me një reklamë për një markë shumë të njohur ndërkombëtare!