Rikthehet në portret Papa Klementi XI

Historiani Eqrem Zenelaj i dhuron Ipeshkvisë së Kosovës dhjetëra portrete të rëndësishme nga historia shqiptare kishtare

Ipeshkvia e Kosovës do të pasurohet me dhjetëra portrete të rëndësishme të historisë shqiptare që lanë gjurmë nëpër vendet e ndryshme të botës, në mesin e tyre edhe portreti i papës shqiptar, Klementit XI, dhe disa portrete të rëndësishme klerike që u zbuluan nëpër arkivat e botës.

Këto portrete i ka dhuruar historiani Eqrem Zenelaj, studiuesi më i spikatur i arkivave të ndryshme nëpër Evropë, me rastin e 100 vjetorit të Pavarësisë së Shqipërisë. Portretet pasqyrojnë Papës shqiptar, Klementi XI (1700-1721) dhe familjen e tij, me personalitet të shquara kishtare dhe kulturore të kohës.

“Një pjesë e portreteve, të dhuruara paraqesin figurat e ndryshme të klerikëve të ndritur, të panjohura gjer me tani, si Pjetër Bogdani, At Lugij Palj, At Shtjefën Gjeçovi dhe portrete me njerëz të kulturës sonë gjatë 4 shekujve të fundit”, thuhet në njoftim të Ipeshkvisë kosovare.

Këto portrete për herë të parë do të paraqiten për publikun e Kosovës në një ekspozitë, e cila mbahet me rastin e festës së Famullisë Zoja Rruzare, me 7 tetor 2012 në fshatin Bishtazhin të komunës së Gjakovës. Kjo ditë, ndërkaq është dita kur “Nëna Terezë”, mori lejen përfundimtare për themelimin e Motrave “Misionarët e Dashurisë”.

Ndryshe Papa Klementi XI ishte me origjinë nga Kosova. Ai e drejtoi Kishën katolike për 21 vjet, ndërsa llogaritet në mes e 4 papëve që udhëhiqen më së gjati Kishën Katolike në Vatikan.