Rita Ora paralajmëron albumin e katërt, 2026-a vit i saj

Rita Ora gati për projektin e ri muzikor

Këngëtarja shqiptare me famë botërore, Rita Ora, ka paralajmëruar publikimin e albumit të saj të katërt. Përmes një postimi në rrjetet sociale, ajo ndau një fletë ku shkruhej “Album 4”, duke lënë të kuptohet se projekti i ri muzikor është gati për publikim, përcjell albinfo.ch.

Edhe pse nuk ka zbuluar ende titullin, datën apo detaje të tjera, postimi ka ngjallur entuziazëm te fansat, ndërsa Rita ka lënë të kuptohet se viti 2026 do të jetë një vit i rëndësishëm për të dhe karrierën e saj.

Gjatë karrierës, Ora ka publikuar tre albume: Ora (2012), Phoenix (2018) dhe You & I (2023), të cilat kanë përfshirë hite ndërkombëtare dhe bashkëpunime me artistë të njohur. Fansat tashmë presin me padurim “Album 4”, që pritet të shënojë një kapitull të ri në rrugëtimin muzikor të këngëtares.

---