Lajme

Robin Krasniqi fitoren e tij ua uron edhe shqiptarëve

E diel, 11 Tetor 2020 - 18:55 albinfo.ch
Keystone (Ronny Hartmann/dpa via AP)

Robin Krasniqi mbrëmë u shpall kampion i Botës pasi mposhti me KO në rundin e tretë, boksierin gjerman, Dominic Boesel.

Por këtë titull, boksieri nga Juniku ia kushtoi popullit shqiptar.

Krasniqi madje nuk ngurroi ta quajë si titull i shqiptarëve.

“Urime gjithë kombit shqiptar Titulli i Botës. Ne JEMI SOD Kampion BOTE”, ka shkruar Krasniqi në rrjetet sociale.

Pas meçit, Krasniqi konfirmoi se ai dhe Boesel kishin rënë në ujdi paraprake për rimeç.

“Kemi marrëveshje për rimeç”, tha të shtunën pas meçit Krasniqi.

Pas meçit, edhe Boesel tha se nuk do të dorëzohet dhe do të rikthehet për të luftuar për titujt e humbur.

“Unë jam ende i ri, kjo nuk më frikëson. Do të kthehem sërish”, tha Boesel pas meçit.

https://www.facebook.com/robin.krasniqi.31/posts/1600808363426484

 Të ngjashme

Nga identiteti te përgjegjësia, demokracia e shqiptarëve përtej shtetit kombëtar

 Të tjera nga Lajme

Rina Januzi, artistja shqiptare nga Kosova që po shkëlqen në Finlandë

 E-Diaspora

 Jeta në Zvicër