“Romancë e hidhur” shfaqet në muajin shkurt edhe në Zvicër

Më 5 shkurt 2016 në Winterthur të Zvicrës shfaqet premiera e filmit “Romancë e hidhur” e regjisorit shqiptar, Valton Jakupi.

Pas suksesit të premierës në tetor të vitit të kaluar në Bujanoc, filmi “Romancë e hidhur” i regjisorit Valton Jakupi do të shfaqet edhe në Zvicër. Më 5 shkurt 2016, me fillim nga ora 19:30, në 303të Zvicrës të gjithë dashamirët e artit dhe skenës kinematografike do të mund të kalojnë çaste të këndshme me krijimtarinë kinematografike të shqiptarëve në diasporë.

Regjisori i njohur shqiptar në Zvicër, Valton Jakupi, pret që edhe në premierën e filmit në Zvicër të ketë suksesin e merituar.

“Suksesin që e kishte premiera e këtij filmi në Bujanoc, bëri që të na vijnë kërkesa të shumta për ta shfaqur edhe në diasporë, veçanërisht në Zvicër, ku përveç se ka numër të madh të shqiptarëve, edhe pjesa më e madhe e xhirimeve janë bërë në Zvicër. Ne jemi të bindur se më 5 shkurt në Winthertur salla ku do të shfaqet filmi “Romancë e hidhur” do të jetë e stërmbushur, ashtu siç ishte edhe në Bujanoc. Ky është filmi i parë shqiptar me një temë të tillë interesante dhe aktuale te kombi ynë”, ka thënë për albinfo.ch regjisori Jakupi.

“Romanca e hidhur” është film i metrazhit të gjatë, i kinoproduksionit “International Europe London Swiss” dhe Theater Antika Switzerland.
Adresa ku do të mbahet premiera e filmit është: Hotel Töss. Zürcherstrasse 106 8406  Winthertur. Organizator i shfaqjes së këtij filmi është Agim Sylejmani.

Filmi “Romanca e hidhur” është xhiruar vitin e kaluar në Zvicër. Në këtë film, regjisori iu ka dhënë hapësirë studentëve shqiptarë të Akademive të ndryshme të Kosovës dhe Zvicrës që të shfaqin talentin e tyre artistik.