Roterdam, një tjetër sukses i jashtëzakonshëm kinematografik i Kosovës

IFFR

Kosova tashmë ka treguar sukses ndërkombëtar edhe në fushën e kinematografisë, duke bërë turne në kinematë më të njohura botërore, shkruan albinfo.ch.

Së fundmi, filmi “Krahët e punëtorëve”, i regjisorit tonë, Ilir Hasanaj, doli fitues në Festivalin e Filmit në Roterdam, në kategorinë “TigerShortCompetition”.

Portretizimi kinematografik i sinqertë i rrëfimeve të Fatmirit, Liridonit, Milazimit, punëtorë të aksidentuar në vendin e punës, e ka shtyrë jurinë ta përzgjedhë dokumentarin si njërin ndër filmat fitues, nga gjithsej 21 filma të kësaj kategorie.

Vlen të theksohet se Qendra Kinematografike e Kosovës e ka mbështetur realizimin e këtij filmi. /Albinfo.ch