Kosova

Rrëshqasin dheu dhe gurët, bllokohet ruga Mitrovicë-Zveçan

Te vendi i quajtur Kërrshi i Dudës ka rrëshqitje të dheut dhe gurëve

Në veri të Mitrovicës është mbyllur për qarkullim një segment i rrugës që dërgon drejt Jarinjës. Sipas njoftimit të bërë nga Ministria e Infrastrukturës, në  segmentin e rrugës Mitrovicë-Jarinjë, te lokacioni i njohur si “Shkëmbi i Kajushës”, kanë rrëshqitur gurët dhe është mbyllur rruga, transmeton Albinfo.ch.

“Ministria, në bashkëpunim me Policinë e Kosovës, ka ndërmarrë veprimet për sanim të gjendjes. Aktualisht një shirit i rrugës është lëshuar për kalim, por meqenëse ekziston rreziku permanent për rrëshqitje të reja, ky segment i rrugës është mbyllur për qarkullim”, thuhet në njoftim. Ndërsa qytetarëve u sugjerohet që të kërkojnë rrugë alternative deri në një njoftim të ri.