Lajme

Shumë diplomatë rusë në Zvicër janë anëtarë të shërbimit inteligjent rus

E shtunë, 2 Prill 2022 - 16:00 albinfo.ch

Tomek Baginski

Rreth një e treta e diplomatëve rusë të akredituar në Zvicër janë ose anëtarë të njohur të shërbimit inteligjent rus ose të dyshuar se punojnë për shërbimin sekret nën mbulim diplomatik, përcjell albinfo.ch.

Spiunët rusë dërgohen në mënyrë rutinore në vende të ndryshme, përfshirë Zvicrën, si diplomatë zyrtarë. Pasi atje ata depërtojnë në grupe të ndryshme, duke fituar akses në informacione sekrete.

Shërbimi Federal i Inteligjencës (FIS) ka identifikuar “veprimtarinë e vazhdueshme agresive të spiunazhit” në Zvicër, e cila doli në ballë veçanërisht që nga pushtimi i Ukrainës nga Rusia më 24 shkurt.