Rritet numri i turistëve që vizitojnë monumentet kulturore të Vlorës

Foto: DRKK Vlore (Fb)

Numri i vizitorëve në monumentet kulturore dhe arkeologjike të Vlorës ka shënuar rritje këtë vit, përcjell albinfo.ch.

Kështu ka njoftuar Drejtoria Rajonale e Kulturës Kombëtare në Vlorë, e cila ka bërë të ditur se gjatë periudhës janar-qershor 2019 numri i vizitorëve është rritur për 35 për qind.

Përmes një videoje në Facebook, DRRK e Vlorës ka paraqitur të dhënat grafike për tetë monumentet më të vizituara në këtë qytet.

Këto objekte janë Kalaja e Porto Palermos, Kalaja e Kaninës, Kalaja e Himarës, Kisha e Manastirit të Shën Kollit Mesopotam, Manastiri i 40 Shenjëtorëve, Parku Arkeologjik Amantia, P.A. Orik dhe P.A. Finiq, përcjell albinfo.ch.