Rritet shitja e makinave në Evropë

Nga janari në prill 2023, tregu i makinave në BE u rrit me 17.8%, në 3.5 milionë automjete të regjistruara, shkuan në raportin e saj të fundit ACEA.

Pavarësisht përmirësimit me bazë vjetore, shitjet u tkurrën me 22.8% krahasuar me të njëjtën periudhë të 2019-s, duke theksuar vështirësitë e tregut të automjeteve në BE.

Ndër katër tregjet kryesore të BE-së, Spanja (+33.7%) regjistroi fitimet më të larta, ndjekur nga Italia (+26.9%), Franca (+16.7%) dhe Gjermania (+7.9%).

Lloji i karburantit në makinat e reja

Në prill, pjesa e tregut të makinave elektrike me bateri regjistroi rritje të ndjeshme, nga 9.1% në 11.8%. Ndërkohë që makinat hibride përfaqësojnë tani 24.8% të tregut të automjeteve të reja në BE, makinat me benzinë vijojnë të dominojnë pjesën më të madhe, me 38.2%.

Makinat elektrike

Muajin e kaluar, regjistrimet e makinave të reja elektrike në BE u rritën ndjeshëm, (+51.9%), duke arritur 94.561 njësi.

Kjo përfaqëson një pjesë tregu prej 11,8%, me rritje thuajse 3% krahasuar me muajin prill 2022. Pjesa më e madhe e tregjeve të BE regjistruan rritje në përqindje, dy apo treshifrore, duke përfshirë dy tregjet më të mëdha: Francë (+34.8%) dhe Gjermani (+34.1%).

Kjo është e barabartë me një rritje të përgjithshme prej 45.1%, me 415.579 njësi të shitura në katër muajt e parë të 2023.

Makinat hibride elektrike (HEV) vijuan rritjen në prill, me rritje të shitjeve prej 22.7% në 199.407 njësi.

Kjo erdhi kryesisht për shkak të rritjes dyshifrore në katër tregjet kryesore të BE-së: Gjermani (+35.9%), Francë (+28.6%), Itali (+28.3%) dhe Spanjë (+14.4%).

Si rezultat, tani pjesa e tregut të HEV është 24.8% (nga 23.7% në prill 2022).

Pavarësisht rritjes 4.3% në mars, tregu i makinave hibride plug-in (PHEV) në BE u tkurr në prill (-5,5%), me rënie të ndjeshme të shitjeve në Gjermani (-45,7%), tregu më i madh i këtyre makinave.

Për pasojë, pjesa e përgjithshme e PHEV ra nga 9.2% në prill të vitit të kaluar në 7.4% në prill 2023

Makinat me benzinë dhe naftë

Regjistrimet e makinave të reja me benzinë në BE shënuan një tjetër muaj të fortë në prill, me rritje të shitjeve 17.3%, duke arritur 306,757 njësi.

Kjo është e barabartë me një pjesë tregu prej 38.2%, e njëjta shifër si në prill 2022. Rritja u nxit kryesisht nga rezultatet e qëndrueshme në katër tregjet kryesore të BE-së, veçanërisht në Itali (+39.3%) dhe Francë (+31.3%).

Që nga fillimi i vitit, shitjet e makinave me benzinë në BE kanë arritur në rreth 1.3 milionë njësi, një rritje të madhe prej 18.3% krahasuar me të njëjtën periudhë të 2022.

Tregu i makinave me naftë në BE mbeti i qëndrueshëm në prill (+0.03%), pavarësisht ecurisë pozitive në të gjitha tregjet më të mëdha të bllokut: Itali (+21.5%) dhe Gjermani (+2.4%).

Makinat me naftë përfaqësojnë 14.7% të pjesës së tregut të BE-së, nga 17.2% në prill 2022.

---