Rritet shkalla e papunësisë në Zvicër

Shkalla e papunësisë u rrit në 2.5 për qind në shtator, pas 2.4 për qind sa ishte në muajin gusht

Vazhdojnë të rriten shifrat e papunësisë në Zvicër.

Shkalla e papunësisë u rrit në 2.5 për qind në shtator, pas 2.4 për qind sa ishte në muajin gusht, transmeton albinfo.ch. Një vit më parë vlera ishte në një nivel shumë të ulët 2.0 për qind. Ndërkohë, puna me kohë të shkurtër ra në korrik.

Gjithsej 113,245 persona në qendrat rajonale të punësimit RAV u regjistruan si të papunë në fund të muajit raportues, siç njoftoi të premten Sekretariati Shtetëror për Çështjet Ekonomike Seco.

Në shtator, më shumë njerëz po kërkonin punë në Zvicër. Numri i punëkërkuesve u rrit me 4,137 në 184,373 brenda një muaji.

 

---