Rrjeti Global i Bizneseve Shqiptare feston 10-vjetorin

Rrjeti Global i Bizneseve Shqiptare, kryesisht ato nga Diaspora, Kosova, Shqipëria dhe Maqedonia, feston 10-vjetorin, thuhet në një njoftim, shkruan albinfo.at.

Sipas njoftimit, ky event  i 10-vjetori kurorëzon të gjitha sukseset e deritanishme të Rrjetit, i cili nga viti i themelimit ka mbledhur në Prishtinë dhe qytetet e tjera shqiptare qindra-mijëra biznese nga Diaspora, duke u bërë kështu faktori kryesor ekonomik që ndikoi në rritjen e exportit që është dëshmuar vite me radhë.

Eventi përmban:

E premte, 17 maj, hapja në orën 10:00 – Panairi i Bizneseve:

Një platformë unike për bizneset prodhuese shqiptare për të prezantuar produktet dhe shërbimet e tyre inovative, duke nxitur bashkëpunimin dhe zgjerimin e mundësive të reja të biznesit. Bizneset nga diaspora do të kenë mundësinë të njihen me ofertat e ndryshme dhe të eksplorojnë potencialin për bashkëpunim si dhe një mundësi të takohen me udhëheqësit e komunave për të diskutuar potencialin e tyre për investime.

E shtunë, 18 maj, nisja në orën 10:00 – Vizita në terren: Pjesëmarrësit nga diaspora do të vizitojnë disa nga prodhuesit vendorë, duke nxitur shkëmbimin e praktikave të mira dhe fuqizimin e lidhjeve mes bizneseve vendase dhe atyre të diasporës.

E shtunë, 18 maj, 19:00 – Darka solemne: Degët e Rrjetit organizojnë një mbrëmje festive në mbyllje të aktivitetit dyditor, ku do të festojmë dhe vlerësojmë arritjet e deritanishme dhe do të ndërtojmë ura të reja drejt bashkëpunimeve të ardhshme.