Rumani – Shqipëri, marrëveshje 1 mild. në energjetikë

Përfaqësuesit e Rumanisë dhe ata të Shqipërisë janë marrë vesh që Rumani të eksportojë në Shqipëri energji elektrike në vlerë 1 miliard euro

Ministri rumun i ekonomisë, Konstantin Nita dhe homologu i tij shqiptar, Arben Ahmetaj kanë rënë dakord që brenda një viti, Rumani të eskortojë në Shqipëri energji elektrike në vlerë një miliard euro. Këtë lajm e kanë konfirmuar mediet e Rumanisë, të cilët thonë se palët kanë rënë dakord për kontratën e re.

Sipas burimeve të medieve rumune, kontrata parashikon eksportin e sasisë prej 2.5 kilovat energji për ore në vit ndërkohë që detajet e marrëveshjes pritet të diskutohen.

“Ne biseduam me delegacionin shqiptar në lidhje me nevojën për të rritur nivelin e shkëmbimeve tregtare mes dy vendeve. Një pikë e rëndësishme në rendin e ditës të diskutimit ishte bashkëpunimi në fushën e energjisë, ekspertiza e Rumanisë dhe përvoja në zhvillimin e projekteve të infrastrukturës”, citohet të ketë thonë ministri Nita raporton “Shekulli”

Në këtë drejtim, ai ka thënë se ka potencial për përfshirjen e kompanive rumune në zhvillimin e projekteve në tregun shqiptar, ndërsa fushat prioritare, sipas tij janë: ndërtimit të hidrocentraleve, infrastrukturës rrugore, bujqësia dhe industria e tekstilit.

“Në të njëjtën kohë, për Rumaninë është një mundësi për të përfituar nga prodhimi i tepërt i energjisë, duke e shitur atë në tregun shqiptar. Prodhuesit e energjisë ne Rumani kanë mundësinë për t’u bërë aktive në tregun rajonal, duke kapitalizuar prodhimin e tyre të energjisë me çmime konkurruese”, ka thënë Constantin Nita.