Rusia forcon radhët me 147 mijë rekrutë të rinj

EPA/ANATOLII STEPANOV

Ashtu siç ishte paralajmëruar prej kohësh nga ekspertët e sigurisë, lufta në Ukrainë duket se nuk do të ketë një përfundim të afërt.

Këtë gjë e forcon edhe më shumë dekreti i fundit i presidentit rus, Vladimir Putin, i cili shpall rekrutimin në ushtri të 147 mijë personave gjatë pranverës, transmeton cnn, përcjell albinfo.ch.

Sipas kreut të Kremlinit, ky forcim i radhëve të ushtrisë ruse është i përvitshëm, ndërkohë që vetëm në shtator 120 mijë rusë të tjerë iu bashkuan forcave të armatosura.

Në Rusi, të gjithë burrat e moshës 18 dhe 27 vjeç janë të detyruar të kryejnë shërbimin ushtarak për një vit, ose trajnimin ekuivalent gjatë kohës kur ndjekin arsimin e lartë.