Sa do të paguhen profesionistët nga diaspora, të angazhuar nga MPJD-ja

Ministria e Punëve të Jashtme e Kosovës do t’i paguajë 1 mijë euro në muaj për një periudhë gjashtëmujore 10 profesionistë nga diaspora për t’u angazhuar në Programin për Diplomaci Qytetare në kuadër të MPJD-së. Nga 6 mijë euro do t’u ndahen secilit për ekspertizën e tyre të jashtme në kuadër të ministrisë, përcjell albinfo.ch.

Në thirrjen publike të Ministrisë së Punëve të Jashtme, ata do të angazhohen nga 3 tetori 2022 deri më 31 mars 2023.

Në vendimin e qeverisë për miratimin e programit për diplomaci qytetare që parasheh angazhimin e 10 profesionistëve nga diaspora, bëhet e ditur se të njëjtëve do t’u paguhet edhe bileta kthyese për në vendin e origjinës.