Samiti i Diasporës: “Shqiponja e Artë” për Xhakën

Granit Xhaka kishte shënuar golin e barazimit ndaj Serbisë, derisa më pas kishte shënuar Xherdan Shaqiri. Të dy kishin festuar me shqiponjë dhe më pas ishin dënuar edhe nga FIFA

Në Samitin e Diasporës janë nderuar me çmimet “Ambasadori i kombit”, por dhe “Shqiponja e artë” emra personalitetesh të njohura të cilët kanë shënjuar emrin me veprat e tyre.

Një prej tyre është dhe Ragip Xhaka, babai i dy futbollistëve të talentuar shqiptarë, Granit dhe Taulant Xhaka, përcjell albinfo.ch.

“Ju faleminderit për përkrahjen që na jepni. Do të punoj dhe në të ardhmen siç kam punuar për Shqipërinë”, është shprehur Ragip Xhaka, i cili u nderua me çmimin “Shqiponja e artë”.

Për nder të dy futbollistëve u realizua një befasi në Pallatin e Kongreseve në Tiranë.

U improvizuan 1000 shqiponja në shenjë solidariteti për Granit Xhakën, i cili shënoi golin kundër Serbisë në ndeshjen me Zvicrën në ndeshjen e dytë në Botëror.

Granit Xhaka kishte shënuar golin e barazimit ndaj Serbisë, derisa më pas kishte shënuar Xherdan Shaqiri. Të dy kishin festuar me shqiponjë dhe më pas ishin dënuar edhe nga FIFA.

---