Lajme

SAS parajmëron anulimin e rreth 1600 fluturimeve

Kjo përfaqëson 4% të 39,000 fluturimeve të planifikuara.

Pothuajse 1600 fluturime në të gjithë Evropën do t’i anulojë linja ajrore skandinave (SAS). Këtë e ka konfirmuar një zëdhënës i kompanisë, pas një greve të madhe të pilotëve.

Kjo përfaqëson 4% të 39,000 fluturimeve të planifikuara. “Pasagjerët që kanë kryer rezervime, të prekur tashmë nga vendimi, janë informuar dhe regjistruar për fluturime të tjera”, ka thënë ky zëdhënës, raporton DPA, përcjell Albinfo.ch.

Anulimet u vendosën për shkak të dërgesave të vonuara të avionëve dhe mungesës së stafit, të cilat lidhen gjithashtu me grevën njëjavore të pilotëve që përfundoi në korrik.

Rreth një muaj më parë, linja ajrore ra dakord për një marrëveshje të re kolektive pas negociatave të vështira me pilotët danezë, norvegjezë dhe suedezë./Albinfo.ch/


LAJME INTERESANTE NGA INTERNETI