SBB në telashe, treni kalon stacione pa u ndalur për të mos vonuar

Ka qenë një verë e nxehtë për SBB-në e operatorëve federalë të hekurudhave zvicerane

Gjatë valës së fundit të nxehtësisë, ka pasur vonesa të mëdha, ndërkohë që konsumatorët janë të frustruar.

Tani SBB është “nën zjarr”, pasi trenat nuk janë ndaluar në disa stacione për të minimizuar vonesat në shërbimet e vonuara, përcjell albinfo.ch.

Kjo kishte ndodhur të shtunën e kaluar, duke shkaktuar debat në Zvicër. Treni ishte i linjë Bernë-Cyrih.

Për shkak se treni po vonohej, udhëtarët u njoftuan se nuk do të ndaleshin më në stacionet e Brugg dhe Baden. Në vend të kësaj, pasagjerët që dëshirojnë mund të dalin në Olten dhe të presin për një shërbim tjetër.

SBB e arsyetoi vendimin duke thënë se donte të shmangte një efekt domino të trenave të vonuar në rrjet dhe argumentoi se ishte në mbrojtjen e interesave të shumicës, përcjell tutje albinfo.ch.

Me fjalë të tjera, për të shmangur vonesat për një numër më të madh udhëtarësh.

Rasti është duke u hetuar nga Zyra Federale e Transportit (FOT), që kërkon llogari nga SBB.

---