Lajme
Scholz i kërkon Turqisë të lejojë anëtarësimin e Suedisë në NATO
Kancelari gjerman, Olaf Scholz, i bëri sërish thirrje Turqisë që të miratojë kërkesën e Suedisë për t’u anëtarësuar në NATO, ndërsa shtoi se anëtarësimi në aleancë për Ukrainën nuk mund të diskutohet derisa lufta vazhdon.
“Jam i bindur plotësisht se Suedia duhet të ulet në tryezën e bisedimeve si një aleate e re së bashku me Finlandën, kur udhëheqësit e NATO-s të takohen në Vilnius, muajin e ardhshëm”, tha Scholz sot në Parlament.
Scholz tha se i kishte kërkuar presidentit turk, Recep Tayyip Erdogan, të hiqte dorë nga kundërshtimet e tij ndaj anëtarësimit të Suedisë në aleancë, siç ranë dakord njëzëri vendet e NATO-s në samitin e vitit të kaluar, në Madrid, transmeton dpa, përcjell albinfo.ch.
Erdogan ka akuzuar vazhdimisht Suedinë se nuk ka ndërmarrë veprime kundër organizatave terroriste, një referencë e dukshme për grupet politike kryesisht kurde nga Turqia dhe mbështetësit e një grushti të dështuar shteti kundër qeverisë së tij më 2016.
Suedia, kohët e fundit, ka forcuar ligjet e saj për terrorizmin dhe gjykata e lartë e vendit miratoi ekstradimin e parë në Turqi të një mbështetësi të dyshuar të Partisë së ndaluar të Punëtorëve të Kurdistanit (PKK).
“Anëtarësimi në NATO për Ukrainën, megjithatë, është jashtë tryezës së bisedimeve deri në fund të luftës së Rusisë kundër vendit”, tha Scholz.
Parimet e NATO-s për zgjerim përjashtojnë vendet e përfshira në një konflikt aktiv.
Gjeorgjia dhe Moldavia, të cilat kanë kontestuar rajonet separatiste ruse, janë përjashtuar gjithashtu për këtë arsye.
Konflikti në Ukrainë filloi me një kryengritje të mbështetur nga Moska në rajonin e Donbasit, në vitin 2014 përpara pushtimit të plotë të Rusisë në shkurt 2022.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)